E Diva isch e ussergwöhnlichi Person.
E Diva isch einmoliggit - s'git kei Klon.

E Diva isch e richtige Star.
E Diva begeischteret d'Lüüt, isch doch klar.

E Diva het ganz spezielli Fähigkeite.
E Diva git sich ned ab mit Chlinigkeite.

E Diva isch stolz, von-oben-herab, ond chli zickig.
E Diva isch arrogant, findet anderi "mikrig".

E Diva wott Anerkennig, Ruhm, no vieles meh.
E Diva het johrzähntelang immer alles geh.

E Diva liebsch oder hassisch, öppis anders git's ned
E Diva bewunderisch, oder findisch si blöd.

Kei einzigi Frau, jede Schränzer e Maa.
trotzdem tüend mir mängisch wie ne Diva.

Euise Sound, sit mängem Johr "schränzig-schön".
Mängisch preiche mir sogar die richtige Tön.

Mir händ immer chli s'Gfühl, mir seige die Beschte.
Das isch ganz sicher de Fall bim Feschte.

Obwohl bösi Zunge säge, , mir tüend z'viel suufe.
sind mir e speziell ussergwöhnliche Chaotehuufe.

Aber ständg neuii Fürz, voll vo Kreativität.
Das isch ebe düSchränzer Qualität!

Ond ebe drum händ mir alli schöni Frauechleider a.
Mir fiire euis sälber, als 40jörigi DIVA!